Cynghorydd Addysg a Gofal Blynyddoedd Cynnar (Cyfnod Penodol)

37 awr yr wythnos

Amser Tymor

Swydd Cyfnod Penodol ar gael hyd at 31 Mawrth 2028

Gan ddechrau ym mis Medi neu'n gynt os yw hynny'n bosibl.

A ydych yn weithiwr proffesiynol blynyddoedd cynnar uchelgeisiol, myfyriol ac angerddol sy'n barod i ddylanwadu ar ymarfer y tu hwnt i'ch lleoliad eich hun? A ydych yn credu ym mhŵer trawsnewidiol addysg a gofal cynnar o ansawdd uchel? A ydych yn cael eich cymell gan y cyfle i gefnogi, herio ac ysbrydoli eraill i gyflawni'r canlyniadau gorau posibl i blant ifanc?

Fel rhan o'n hymrwymiad parhaus i fuddsoddi mewn darpariaeth blynyddoedd cynnar ar draws Pen-y-bont ar Ogwr, rydym yn cryfhau capasiti ein Tîm Blynyddoedd Cynnar a Gofal Plant. Felly, mae'n bleser gennym gynnig dau gyfle cyffrous i ymuno â'n tîm uchel ei barch o gynghorwyr a swyddogion datblygu gofal plant.

Mae'r ehangu hwn yn adlewyrchu ein huchelgais lleol i wella ansawdd, cysondeb ac effaith y cymorth, yr her, yr arweiniad a'r dysgu proffesiynol a ddarparwn i leoliadau ac ysgolion. Mae'r rôl hon yn cynnig cyfle gwirioneddol i lunio ymarfer a gwella canlyniadau i blant ifanc ar draws y fwrdeistref sirol.

Y rôl

A chithau'n Gynghorydd Addysg a Gofal Blynyddoedd Cynnar, byddwch yn:

Cefnogi, herio ac arwain arweinwyr ac ymarferwyr i sicrhau canlyniadau o ansawdd uchel i ddysgwyr ifanc

Hyrwyddo rhagoriaeth mewn addysgeg, darpariaeth ac asesu

Darparu cyngor proffesiynol sy'n gysylltiedig â gofynion statudol a fframweithiau arolygu

Cyfrannu at flaenoriaethau gwella strategol ar draws yr awdurdod lleol

Mae gwybodaeth ymarferol gref am ddeddfwriaeth a chanllawiau perthnasol yn hanfodol, gan gynnwys:

Safonau Gofynnol Cenedlaethol

Trefniadau cwricwlwm ac asesu ar gyfer Lleoliadau Nas Cynhelir a Ariennir

Cwricwlwm i Gymru

Fframweithiau arolygu AGC ac Estyn

Byddwch yn dod â phrofiad sylweddol o gyflwyno addysg blynyddoedd cynnar o ansawdd uchel, gan gynnwys cefnogi plant ag anghenion sy'n dod i'r amlwg ac anghenion dysgu ychwanegol (ADY). Byddwch hefyd yn gallu rhoi tystiolaeth glir o effaith gadarnhaol eich arweinyddiaeth ar ddatblygiad proffesiynol ac ymarfer cydweithwyr.

Rydym yn croesawu ymgeiswyr i nodi yn eu cais feysydd yr ydych yn angerddol amdanynt a meysydd cryfder.

Yr hyn rydym yn ei gynnig

Mae hwn yn gyfle i ymuno â thîm cydweithredol, profiadol a blaengar sy'n ymrwymedig i wella canlyniadau i blant a theuluoedd ledled Pen-y-bont ar Ogwr.

Mae'r rôl yn cynnig trefniadau gweithio hyblyg, gan gynnwys elfen o weithio gartref (mae angen mynediad dibynadwy i'r rhyngrwyd), ochr yn ochr â theithio ar draws y fwrdeistref sirol. Mae trwydded yrru ddilys a'r defnydd o gar yn hanfodol.

I gael trafodaeth anffurfiol am y rôl, ffoniwch Louise Waite ar 01656 642798 neu anfonwch neges e-bost at louise.waite@bridgend.gov.uk.

Edrychwn ymlaen at gael eich cais a chroesawu cydweithwyr newydd sy'n rhannu ein huchelgais am ragoriaeth mewn addysg a gofal blynyddoedd cynnar.

Mae'n ddymunol y byddwch yn gallu sgwrsio ac ymateb i ohebiaeth yn hyderus ac yn rhwydd yn y Gymraeg.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Mae trwydded yrru ddilys yn un o'r gofynion ar gyfer y swydd hon.

Mae Polisi Gweithio Hybrid y cyngor yn berthnasol i'r swydd hon. Mae hyn yn darparu fframwaith ar gyfer sefydlu sut y byddwch yn ymgymryd ag oriau gwaith rhwng eich cartref a'r swyddfa.

Dyddiad Cau: 02 Rhagfyr 2026

Dyddiad Llunio'r Rhestr Fer: 03 Rhagfyr 2026

Dyddiad y Cyfweliad: 10 Rhagfyr 2026

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person

Mae Inclusion Service Bridgend County Borough Council yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.