Swyddog Cymorth Arbennig - Cyfathrebu a Pherthnasoedd

32.5 awr yr wythnos - Amser tymor

Mae Cyngor Bwrdeistref Sirol Pen-y-bont ar Ogwr yn chwilio am Swyddog Cymorth Arbenigol medrus a llawn cymhelliant i ymuno â'r Tîm Cyfathrebu a Pherthnasoedd (CART)-gwasanaeth amlddisgyblaethol, dynamig sy'n ymrwymedig i gefnogi ysgolion i ddiwallu anghenion plant a phobl ifanc ar draws y sir sydd ag anghenion ASD, Emosiynol, Cymdeithasol ac Ymddygiadol a Lleferydd ac Iaith.

Ynghylch y Tîm / Maes Gwasanaeth

Mae'm Cyfathrebu a Pherthnasoedd yn gweithio'n agos gydag ysgolion, teuluoedd, ac asiantaethau partner i ddarparu ymyrraeth gynnar, cymorth wedi'i dargedu, ac arweiniad arbenigol. Mae'r tîm yn rhoi cymorth ymgynghori, asesu, ymddygiad, a meithrin capasiti i staff ysgolion er mwyn gwella canlyniadau i ddysgwyr.

Y Rôl

A chithau'n Swyddog Cymorth Arbenigol, byddwch yn chwarae rôl allweddol wrth ddarparu cymorth o ansawdd uchel, sy'n seiliedig ar dystiolaeth, i ysgolion. Gan weithio fel rhan o dîm cydweithredol, byddwch yn:

- Darparu ymyriadau wedi'u targedu, gan fodelu strategaethau effeithiol a dulliau ymarferol.

- Cynorthwyo'r gwaith o ddatblygu Cynlluniau Ymddygiad Unigol, Cynlluniau wedi'u Personoli ac asesiadau risg.

- Cynnig arweiniad, hyfforddiant, a meithrin capasiti i staff ysgolion.

- Cyfrannu at gynllunio amlasiantaethol a datrys problemau sy'n canolbwyntio ar y plentyn.

- Cynorthwyo â rheoli argyfwng, gostwng lefel rhybudd, a dulliau perthynol pan fo angen.

- Helpu i fonitro, adolygu, a gwerthuso cynlluniau cymorth i sicrhau canlyniadau cadarnhaol i ddysgwyr.

Mae hon yn rôl amrywiol a gwerth chweil, yn ddelfrydol ar gyfer rhywun sy'n angerddol am wella profiadau plant a phobl ifanc drwy ymarfer perthynol, sy'n canolbwyntio ar gyfathrebu ac sy'n ystyriol o drawma.

Priodoleddau Hanfodol

Rydym yn chwilio am unigolyn sy'n dangos:

- Sgiliau a Gwybodaeth

- Dealltwriaeth gref o ddatblygiad plant, anghenion cyfathrebu, ymddygiad, a rheoleiddio emosiynol.

- Gwybodaeth am ddulliau cynhwysol, perthynol, ac sy'n ystyriol o drawma mewn lleoliadau addysgol.

- Gallu cynnig cyngor ymarferol a modelu strategaethau effeithiol i'r staff.

- Yn fedrus wrth feithrin, perthnasoedd cadarnhaol, ymddiriedgar gyda dysgwyr, teuluoedd a gweithwyr proffesiynol.

Profiad

Profiad o weithio gyda phlant a phobl ifanc, yn enwedig y rhai sydd ag anghenion dysgu ychwanegol.

Mae profiad o gynorthwyo ysgolion neu leoliadau addysgol yn ddymunol iawn.

Profiad o gyfrannu at gynlluniau fel Cynlluniau Ymddygiad Unigol, asesiadau risg, neu Gynlluniau Cymorth Bugeiliol.

Rhinweddau Personol

Tosturiol, amyneddgar, ac yn canolbwyntio ar y plentyn.

Cyfathrebwr hyderus gyda sgiliau rhyngbersonol cryf.

Hyblyg, myfyriol, ac yn gallu gweithio'n annibynnol ac fel rhan o dîm.

Gallu aros yn dawel a chanolbwyntio ar atebion mewn sefyllfaoedd heriol.

Mae'r gallu i ddarparu'r gwasanaeth drwy gyfrwng y Gymraeg yn ddymunol iawn; fodd bynnag, darperir cymorth a hyfforddiant i ymgeiswyr sy'n fodlon datblygu eu sgiliau Cymraeg.

Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.

Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.

Dyddiad Cau: 08 Ebrill 2026

Dyddiad Llunio'r Rhestr Fer:

Dyddiad y Cyfweliad:

Manteision gweithio yng Nghyngor Pen-y-bont ar Ogwr

Disgrifiad Swydd a Manyleb y Person

Mae Inclusion Service Bridgend County Borough Council yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.