Athro Arweiniol y Gymraeg - Uned Drochi Hwyr
Disgrifiad swydd
32.5 awr yr wythnos
Yn ystod tymor yr ysgol
Cyfnod Penodol - 1 flwyddyn (i ddechrau)
I ddechrau: Medi 2025
Mae Cyngor Bwrdeistref Sirol Pen-y-bont ar Ogwr yn awyddus i benodi person brwdfrydig, ysbrydoledig ac ymroddgar i arwain a datblygu darpariaeth trochi iaith o fewn yr awdurdod.
Prif bwrpas y ddarpariaeth trochi iaith yw trochi newydd-ddyfodiaid yn yr iaith Gymraeg gan gydweithio gydag ysgolion cynradd ac uwchradd cyfrwng Cymraeg. O fewn yr Awdurdod Lleol mae clwstwr clos o ysgolion cyfrwng Cymraeg gyda phedair ysgol gynradd ac un ysgol uwchradd. Mae rhain yn cydweithio’n agos gyda’i gilydd gan feddu ar weledigaeth gytøn er mwyn sicrhau bod plant a phobl ifanc Pen-y-bont yn derbyn y cyfleoedd gorau posib i ddatblygu’n unigolion hyderus a mentrus sy’n profi llwyddiannau cyson drwy gyfrwng y Gymraeg. Dyma gyfle cyffrous ac euraidd ar gyfer dysgu proffesiynol parhaus wrth gydweithio gyda chlwstwr llwyddiannus o ysgolion. Mae gan yr Awdurdod Lleol ymrwymiad uchelgeisiol er mwyn tyfu’r ddarpariaeth effeithiol a llwyddiannus o fewn ei Gynllun Strategol Cymraeg mewn Addysg (CSCA).
Ers Tachwedd 2022, mae disgyblion trochi hwyr wedi eu cefnogi o fewn eu mam ysgolion. Erbyn hyn, mae uned gennym ar safle ysgol gynradd Gymraeg ar gyfer disgyblion hyd at flwyddyn saith.
Mae’r disgyblion o fewn y ddarpariaeth Trochi Hwyr yn derbyn cefnogaeth ôl-ofal yn eu hysgolion ar ôl cyfnod o gefnogaeth. Yn sgìl hyn, bydd yr ymgeisydd llwyddiannus yn addysgu’r disgyblion ar amrywiaeth o safleoedd yn ôl y galw ond yn bennaf o’r uned. Disgwylir i’r ymgeisydd llwyddiannus weithio yn annibynnol a chydweithio gyda staff ysgolion, a derbyn arweiniad gan Gydlynydd y CSCA.
Darperir hyfforddiant priodol parthed egwyddorion trochi effeithiol i’r ymgeisydd llwyddiannus.
Swydd dros dro gyda chontract o flwyddyn yn y lle gyntaf. Os hoffech geisio am y swydd o dan amodau secondiad, gofynnwn eich bod yn nodi hyn ar eich llythyr cais ar ôl derbyn caniatâd gan eich Pennaeth.
Dymunwn benodi arweinydd sydd:
- â phrofiad arwain, annog ac ysbrydoli eraill
- â’r gallu i sefydlu a datblygu systemau a phrosesau newydd
- yn ymarferydd rhagorol gydag iaith raenus â phrofiad o addysgu iaith i ddisgyblion oedran cynradd a/neu uwchradd
- yn gallu cynllunio ac asesu safonau iaith disgyblion yn effeithiol
- â’r ymroddiad a’r brwdfrydedd i weithio gyda’r disgyblion wrth ddysgu Cymraeg
- â disgwyliadau uchel o ran agweddau a chyrhaeddiad disgyblion
- yn meddu ar sgiliau cyfathrebu ardderchog
- yn barod i fod yn hyblyg yn ôl gofynion yr Awdurdod Lleol ac anghenion disgyblion
Am fanylion pellach am y swydd neu am sgwrs anffurfiol, cysylltwch gyda Becca Avci, Cydlynydd y CSCA trwy e-bostio becca.avci@bridgend.gov.uk neu ar 07890 891798.
Dylid cwblhau’r ffurflen gais ar-lein yn uniongyrchol erbyn y dyddiad cau.
Mae'r gallu i sgwrsio â chwsmeriaid ac ymateb i ohebiaeth yn hyderus ac yn hawdd drwy gyfrwng y Gymraeg yn un o ofynion y swydd hon.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Plant ac Oedolion gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Dyddiad Cau: 25 Mehefin 2025
Dyddiad Llunio'r Rhestr Fer: TBC
Dyddiad y Cyfweliad: TBC
Manteision gweithio yng Nghyngor Pen-y-bont ar Ogwr Disgrifiad Swydd a Manyleb y PersonMae Inclusion Service Bridgend County Borough Council yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.