Swydd: Athro Saesneg

Pwynt/ Graddfa Cyflog: M2 - UPS3

Cytundeb: Parhaol

Oriau: Llawn amser 

Hysbyseb: 15ed o Fedi 2023

Dyddiad Cau: 25ain o Fedi 2023 (12yp)

Swydd i ddechrau: Ionawr 2024

Mae'r Llywodraethwyr am benodi unigolyn cymwys a thalentog i ymuno â staff Ysgol Gymraeg Bro Morgannwg.  

Mae Ysgol Gymraeg Bro Morgannwg wedi ei lleoli yn nhref y Barri ac yn gwasanaethu Sir Bro Morgannwg.  Cyflawnwyd gwaith adeiladu ac adnewyddu sylweddol yn 2021 ac o ganlyniad mae’r cyfleusterau sydd ar gael i addysgu plant a phobl ifanc Y Fro drwy gyfrwng y Gymraeg  yn fodern ac yn addas er mwyn eu paratoi i lwyddo yn y dyfodol. 

Edrychwn am athro rhagorol, sydd yn dangos angerdd tuag at y pwnc a chyrhaeddiad ein disgyblion.

Arwyddair yr ysgol yw ‘Dyro dy law i mi ac fe awn i ben y mynydd’. Ein bwriad yw i adeiladu yn bellach ar lwyddiannau yr ysgol hyd yma ac i sicrhau fod pawb sy’n dysgu ac yn gweithio yn Ysgol Gymraeg Bro Morgannwg yn derbyn y cyfleoedd gorau i gyrraedd pen eu mynydd personol. 

Adran Saesneg

Rydym yn adran lwyddiannus sy’n ymfalchïo yn ein canlyniadau a’r profiadau rydym yn cynnig i ddisgyblion. Mae gennym ddisgwyliadau uchel o’r disgyblion ac yn herio pob unigolyn i lwyddo yn y pwnc. Rydym yn dysgu Saesneg Llenyddiaeth a Saesneg Iaith a Llenyddiaeth yn Lefel A ac mae’r niferoedd sydd yn cymryd y pwnc yn sylweddol. Yn TGAU, mae pob disgybl yn y flwyddyn yn astudio Saesneg Llenyddiaeth yn ogystal â Saesneg Iaith.

Rydym wrthi yn treialu cynlluniau newydd Cwricwlwm i Gymru ac yn gyffrous am y cyfle i fod yn greadigol ac i ddatblygu ein disgyblion yn ôl y 4 Diben. Mae gennym adeilad newydd, ac adnoddau ardderchog er mwyn hwyluso’r dysgu. Rydym yn mynd ar deithiau i Harry Potter

World, Gwyl y Gelli a’r ffosydd yn flynyddol. Mae athrawon yr adran yn frwdrydig, yn uchelgeisiol ac yn aelod o dîm agos.