Hysbyseb – Dirprwy Bennaeth Cynradd

Rhagfyr 2024

Swydd: Dirprwy Bennaeth Cynradd

Pwynt/ Graddfa Cyflog: L5 – L9 (£55,900 - £61,705)

Cytundeb: Parhaol

Oriau: Llawn amser

Hysbyseb: 13eg o Ragfyr 2024

Dyddiad Cau: 13eg o Ionawr 2025, 9yb

Cyfweliadau: Dyddiad i’w gadarnhau

Swydd i ddechrau: Pasg 2025 neu yn gynt os yn bosib

Mae'r Llywodraethwyr am benodi unigolyn cymwys a thalentog i ymuno â staff Ysgol Gymraeg Bro Morgannwg.

Mae Ysgol Gymraeg Bro Morgannwg wedi ei lleoli yn nhref y Barri ac yn gwasanaethu Sir Bro Morgannwg. Cyflawnwyd gwaith adeiladu ac adnewyddu sylweddol yn 2021 ac o ganlyniad mae’r cyfleusterau sydd ar gael i addysgu plant a phobl ifanc Y Fro drwy gyfrwng y Gymraeg yn fodern ac yn addas er mwyn eu paratoi i lwyddo yn y dyfodol.

Rydym yn edrych am arweinydd rhagorol bydd yn ymrwymo i werthoedd a gweledigaeth yr ysgol ac sydd yn llwyr ymroddedig i les a chynnydd ein disgyblion. Disgwylir i Ddirprwy Bennaeth y Cynradd gydweithio’n agos â Phennaeth y Cynradd wrth lunio cynllun strategol ar gyfer yr ysgol, gwarantu ansawdd yr hyn a gyflawnir ac arwain datblygiadau ac agweddau y Cynradd. Rhaid ymdrechu i sicrhau safonau addysgol a’r ymddygiad uchaf posibl ymysg disgyblion a holl staff y Cynradd. Mae gan y Dirprwy Bennaeth Cynradd rôl holl bwysig i’w chwarae felly fel arweinydd yn ein hysgol bob oed (3-19).

Arwyddair yr ysgol yw ‘Dyro dy law i mi ac fe awn i ben y mynydd’. Ein bwriad yw i adeiladu yn bellach ar lwyddiannau yr ysgol hyd yma ac i sicrhau fod pawb sy’n dysgu ac yn gweithio yn Ysgol Gymraeg Bro Morgannwg yn derbyn y cyfleoedd gorau i gyrraedd pen eu mynydd personol. 

Os hoffech fwy o fanylion, sgwrs bellach neu ymweld â’r ysgol, cysylltwch â Emily Denham yn y man cyntaf drwy ffonio'r ysgol neu ebost - gweler manylion ymgeisio ar gyfer cyfeiriad ebost.

Datganiad Diogelu

Mae Ysgol Gymraeg Bro Morgannwg wedi ymrwymo i ddiogelu a hyrwyddo lles plant, pobl ifanc ac oedolion agored i niwed ac mae disgwyl i'r holl staff a gwirfoddolwyr rannu'r ymrwymiad hwn. Rydym yn croesawu'n arbennig geisiadau gan grwpiau heb gynrychiolaeth ddigonol gan gynnwys ethnigrwydd, rhyw, trawsryweddol, oedran, anabledd, cyfeiriadedd rhywiol neu grefydd.