Hysbyseb

Arweinydd Pwnc Daearyddiaeth

Medi 2025

Swydd: Arweinydd Pwnc Daearyddiaeth

Pwynt/ Graddfa Cyflog: M2-UPS3 + CAD2d £8218

Cytundeb: Parhaol

Oriau: Llawn amser 

Hysbyseb: 20fed Chwefror 2025

Dyddiad Cau: 14eg o Fawrth 2025 (9yb)

Swydd i ddechrau: 1af o Fedi 2025  

Dewch i ymweld

Mae croeso i ddarpar ymgeiswyr i ymweld â’r ysgol ar adeg sy’n gyfleus. Gallwch gwrdd â’r Adran Daearyddiaeth a chael taith o amgylch yr ysgol. Cysylltwch â Emily Denham er mwyn trefnu amser sydd yn gyfleus i chi drwy ffonio'r ysgol neu e-bostio.

Mae'r Llywodraethwyr am benodi unigolyn cymwys a thalentog i ymuno â staff Ysgol Gymraeg Bro Morgannwg.  

Mae Ysgol Gymraeg Bro Morgannwg wedi ei lleoli yn nhref y Barri ac yn gwasanaethu Sir Bro Morgannwg.  Cyflawnwyd gwaith adeiladu ac adnewyddu sylweddol yn 2021 ac o ganlyniad mae’r cyfleusterau sydd ar gael i addysgu plant a phobl ifanc Y Fro drwy gyfrwng y Gymraeg  yn fodern ac yn addas er mwyn eu paratoi i lwyddo yn y dyfodol. 

Rydym yn edrych am athro ac arweinydd rhagorol, sydd yn dangos angerdd tuag at y pwnc a chyrhaeddiad ein disgyblion. Yn ddelfrydol, bydd angen bod yr ymgeisydd llwyddiannus yn gallu dysgu TGAU a Lefel A ac â phrofiad o waith maes.

Arwyddair yr ysgol yw ‘Dyro dy law i mi ac fe awn i ben y mynydd’. Ein bwriad yw adeiladu yn bellach ar lwyddiannau yr ysgol hyd yma ac i sicrhau fod pawb sy’n dysgu ac yn gweithio yn Ysgol Gymraeg Bro Morgannwg yn derbyn y cyfleoedd gorau i gyrraedd pen eu mynydd personol. 

Adran Ddaearyddiaeth

Mae’r Adran Ddaearyddiaeth yn un llwyddiannus sy’n ymfalchïo mewn canlyniadau TGAU a Safon Uwch arbennig. Mae gan yr Adran ddisgwyliadau uchel o’r disgyblion ac yn herio pob unigolyn i lwyddo yn y pwnc. Mae Daearyddiaeth yn bwnc yn hynod boblogaidd fel opsiwn TGAU a Safon Uwch ac mae tri athro cyfeillgar yn rhan o’r Adran.

 Mae’r Adran yn cynllunio gwersi rhyngweithiol sy’n annog brwdfrydedd a diddordeb yn y pwnc, gyda phob aelod yn rhannu eu hadnoddau dysgu er mwyn cynnal y safonau uchaf. Cynigir ystod o weithgareddau allgyrsiol, gan gynnwys taith CA3 Arfordiro, taith TGAU a Safon Uwch i Wlad yr Iâ ynghyd â theithiau gwaith maes amrywiol. Mae gan bob aelod o’r adran ystafell ddosbarth ei hun gyda theledu rhyngweithiol.

Os hoffech fwy o fanylion neu sgwrs bellach ynglyn â’r cyfle euraidd yma, cysylltwch â Emily Denham yn y man cyntaf drwy ffonio'r ysgol neu ebostio.

Datganiad Diogelu 

Mae Ysgol Gymraeg Bro Morgannwg wedi ymrwymo i ddiogelu a hyrwyddo lles plant, pobl ifanc ac oedolion agored i niwed ac mae disgwyl i'r holl staff a gwirfoddolwyr rannu'r ymrwymiad hwn. Rydym yn croesawu'n arbennig geisiadau gan grwpiau heb gynrychiolaeth ddigonol gan gynnwys ethnigrwydd, rhyw, trawsryweddol, oedran, anabledd, cyfeiriadedd rhywiol neu grefydd.