Athro/Athrawes Arbenigol y Ganolfan Adnoddau Arbenigol, Canolfan Ethni

CAD: ADY1

Mae’r ysgol yn awyddus i benodi athro arbenigol yng Nghanolfan Ethni (Canolfan Adnoddau Arbenigol) yn Ysgol Gyfun Gymraeg Glantaf. Dyma gyfle unigryw i ymuno ag ysgol a chanolfan lwyddiannus iawn o fewn ein Prifddinas sydd ag enw da o fewn ei chymuned ac sy’n gyson ei darpariaeth safonol cyfrwng Cymraeg i blant a phobl ifanc yr ardal. Mae hon yn gyfle arbennig i ymuno a grŵp o staff prysur, brwdfrydig ac egnïol a gyda thîm ADY ardderchog sy’n gweithio’n galed i sicrhau’r gefnogaeth orau i holl ddisgyblion a chymuned yr ysgol. Mae buddsoddiad sylweddol ar y gweill i drawsnewid ein darpariaeth a gwahoddwn unigolion egniol sydd â gweledigaeth gref am addysg gynhwysol i ymuno â ni mewn cyfnod mor gyffrous.

Mae Canolfan Ethni wedi ei sefydlu’n gadarn iawn ac yn darparu cefnogaeth addysgol a bugeiliol o’r radd flaenaf i’r 38 disgybl 11-19mlwydd oed sydd ag anghenion addysgol arbenigol / cymleth. Datblygiad newydd yw ehangu ar ein darpariaeth ym maes awtistiaeth, ble mae nifer o ddisgyblion wedi ymuno a ni er mwyn derbyn cefnogaeth o fewn y Ganolfan yn ogystal a derbyn gwersi o fewn y prif ffrwd. Yn benodol dyma Ganolfan fywiog, fyrlymus, llawen a chroesawgar sydd wrth galon cymuned Glantaf. Mae naws greadigol, ofalgar a chynhaliol yr adran yn pefrio drwy ei gweithgaredd, a’i disgyblion yn mwynhau trawsdoriad eang o brofiadau unigol a chyfoethog ochr yn ochr â disgyblion eraill Glantaf.

Mae’r anghenion a’r gefnogaeth angenrheidiol yn amrywiol ac felly edrychwn am athro i arwain a chyfrannu i’r maes arbenigol hwn gyda egni, creadigrwydd ac empathi. Mae’r ysgol yn frwd i’ch cefnogi i hyfforddi ymhellach ac i ymchwilio ac arloesi yn y maes er mwyn cryfhau darpariaeth a chefnogaeth cyfrwng Cymraeg yn y maes. Braf fydd gweld ein darpariaeth yn aeddfedu ac ymestyn gan weithio gyda chanolfannau arbenigol eraill o fewn y ddinas.

Fis Ionawr nesaf byddwn yn symud i mewn i’n canolfan newydd 21ain Ganrif ar y campws. Bydd hyn yn trawsnewid darpariaeth Canolfan Ethni a byddwn yn mwynhau gweithio mewn canolfan bwrpasol fodern gydag adnoddau arbenigol i ddatblygu cyfleoedd ar gyfer ein dysgwyr. Dyma gyfle unigryw i ymuno â ni mewn cyfnod arloesol a chyffrous ac wrth i ni lunio ein darpariaeth arbenigol ar gyfer y genhedlaeth nesaf drwy gyfrwng y Gymraeg yng Nghaerdydd.

Edrychwn am unigolyn gweithgar a chadarnhaol i gamu i’r rôl hon o fewn cymuned yr ysgol. Byddwn yn awyddus iawn i gynnal a chynnig hyfforddiant i unigolion addas ac i gynnig datblygiad gyrfa arbennig i unigolion sydd âg awydd pendant i wneud gwahaniaeth i fywyd plant a phobl ifanc. Yn anad dim byddwch yn camu i rol arbenigol sy’n prysur ddatblygu yma yng Nglantaf ac a fydd yn fuan iawn yn tyfu o ran maint a dylanwad ym maes ADY arbenigol cyfrwng Cymraeg.

Gan fod Ysgol Gyfun Gymraeg Glantaf yn ymrwymedig i les a diogelwch pob plentyn, mae’r swydd hon yn amodol ar wiriad manwl diogelu plant a dau eirda llwyddiannus. Os hoffech fwy o fanylion am y swydd hon ac am sgwrs anffurfiol cysylltwch â Phennaeth Canolfan Ethni, Mrs Bethan Davies.

Proses Ymgeisio

Gellid ymgeisio am y swydd hon drwy ffurflen a llythyr cais yn mynegi diddordeb am ymgymryd â’r swydd. Gellir sôn am brofiad perthnasol ar gyfer y swydd hon, ynghŷd â’r weledigaeth ar sut y gellir cyfrannu ymhellach yng nghyd-destun cymuned yr ysgol.

Dyddiad Cau: Hanner Dydd, Dydd Llun 20 Ebrill 2026

Dyddiad dechrau’r swydd: 1 Medi 2026