Athro / Athrawes Cynllun Pontio

Swydd: Athro / Athrawes

Graddfa Cyflog Athrawon

Mae’r ysgol yn awyddus i benodi Athro / Athrawes Cynradd profiadol neu athro sydd wedi bod allan o’r proffesiwn, sydd â diddordeb mewn trosglwyddo i'r sector uwchradd cyfrwng Cymraeg fel rhan o gynllun pontio Llywodraeth Cymru. Bwriad y cynllun yw cynyddu nifer yr athrawon cyfrwng Cymraeg o fewn y sector uwchradd. Fel rhan o’r cynllun byddwch yn ymuno â thîm addysgu Ysgol Gyfun Glantaf am flwyddyn gan dderbyn cefnogaeth wrth addysgu o fewn y sector uwchradd. Gwahoddwn geisiadau gan athrawon brwdfrydig a blaengar o’r sector cynradd sydd â diddordeb mewn ehangu eu profiadau mewn ysgol uwchradd. Yn ogystal, croesewir ceisiadau gan athrawon cynradd ac uwchradd sydd am ddychwelyd i ddysgu yng Nghymru neu athrawon sydd am ddychwelyd i'r proffesiwn.

Y pynciau canlynol yw'r rhai sy'n flaenoriaeth i ni;

ADY dwys a chymleth / Awtistiaeth

Cymraeg

Saesneg

Mathemateg

Gwyddoniaeth

Technoleg & TGCh

Dyniaethau

Celf Mynegiannol

Mae Ysgol Glantaf yn ysgol uchel ei pharch ac â thraddodiad cryf o gyfraniad a pherfformiad cadarn yn y Brifddinas, gan sicrhau’r adysg orau i’w phlant a’i phobl ifanc. Mae yma adrannau ardderchog sy’n cymell a hybu disgyblion i ymgyrraedd yn uwch, a phatrwm sefydlog o ddarparu darpariaeth a chynhaliaeth broffesiynol barhaus i’w staff. Rydym yn cryfhau ar ein cysylltiadau pontio gyda ein ysgolion cynradd ac yn datblygu ymhelach ein cysylltiadau gweithio gydag ysgolion eraill i gynnal a chefnogi’r sector. Dyma gyfle ardderchog i ymuno â thîm addysgu ymroddgar, cefnogol ac arbenigol i’ch cynnal drwy gydol y flwyddyn trosglwyddo. Rydym yn falch o natur gefnogol ein ysgol a’r gofal arbennig bugeiliol sydd gyda ni yng Nglantaf.

Mae’r cynllun hwn yn yn cynnig blwyddyn o gyflogaeth yn Ysgol Gyfun Glantaf i arsylwi ac addysgu o fewn pwnc neu bynciau arbenigol. Mewn cydweithrediad â Phrifysgol Met Caerdydd byddwch yn derbyn cefnogaeth i drosglwyddo’n llwyddiannus i addysgu yn y sector uwchradd. Bydd ffocws penodol ar yr agweddau canlynol:

• Cynllunio gwersi

• Asesu, marcio ac adborth

• Rheolaeth ddosbarth

• Datblygu dycnwch

• Sgiliau ieithyddol (yn ddibynnol ar anghenion yr unigolyn).

Bydd gennych Gefnogwr Proffesiynol o fewn yr ysgol a fydd yn cynnal deialog broffesiynol rheolaidd er mwyn eich cefnogi. Bydd eich amserlen yn cynnig cyfnodau estynedig i gynllunio, ymchwilio ac arsylwi yn ogystal ag amserlen ddysgu.

Edrychwn am unigolion brwdfrydig sydd â gweledigaeth gadarn dros ddatblygu disgyblion yn ddysgwyr annibynnol, hyderus a llwyddiannus. Mae’r cyfle hwn yn agored i geisiadau llawn amser neu ran amser.

Mae’r cynllun hwn wedi’i gefnogi gan Lywodraeth Cymru ac ar gael i ymgeiswyr ar draws Cymru.

Proses ymgeisio:

Nodwch os gwelwch yn dda NI DDYLID ymgeisio i'r ysgol yn uniongyrchol. Dylech ymgeisio drwy lenwi’r ffurflen gais sydd wedi’i atodi i’r hysbyseb hon gan nodi eich dymuniad o ran lleoliad. Anfonwch eich cais gorffenedig i Lywodraeth Cymru trwy'r cyfeiriad a nodir ar y ffurflen cais erbyn y dyddiad cau, sef 23:59 dydd Sul, 12 Ebrill 2026.

Bydd cyfweliadau yn cael eu cynnal yn yr ysgolion partner cyn gwyliau'r Pasg.

Mae mwy o fanylion am y cyfle hwn ar

hwb.gov.wales/gwella-ysgolion-ac-arweinyddiaeth/datblygu-r-gymraeg-yn-eich-ysgol/cynllun-pontio-cynradd-i-uwchradd-cyfrwng-cymraeg/#proses-recriwtio-a-dethol

neu os hoffech drefnu ymweliad â’r ysgol neu sgwrs anffurfiol cysylltwch â’r Pennaeth Gweithredol, Mr Matthew Evans yn yr ysgol.