Athro/Athrawes Addysg Gorfforol

Athro/Athrawes Addysg Gorfforol

Mae’r ysgol yn awyddus i benodi athro / athrawes frwdfrydig ac ymroddgar i swydd addysgu yn yr Adran Addysg Gorfforol, llawn amser a parhaol. Bydd disgwyl i’r ymgeisydd llwyddiannus fod â’r gallu i addysgu sawl camp o fewn y pwnc. 

Dyma adran flaengar, fyrlymus, llawen a llwydiannus sy’n llwyddo i ysbrydoli disgyblion o fewn campau a gweithgaredd corfforol o bob math. Mae’r adran yn hynod amlwg ar hyd cymuned yr ysgol gan gyfrannu’n allweddol at les a iechyd plant, pobl ifanc a staff, cymuned yr ysgol.

Mae’r Adran yn hynod lwyddiannus yn TGAU a Safon Uwch gan ddenu niferoedd da i astudio o fewn y pwnc, ble mae’r canlyniadau dros y blynyddoedd diwethaf wedi bod yn ardderchog. Yn ogystal mae'r adran yn cynnig cyrsiau o fewn Chwaraeon ac Awyr Agored sydd yn datblygu yn llwybr galwedigaethol poblogaidd. O ystyried yr amrywiaeth o fewn yr adran a’r cyrsiau sydd ar gael, bydd disgwyl i’r ymgeisydd llwyddiannus gael gweledigaeth glir o egwyddorion Dysgu ac Addysgu dynamig a blaengar a’r sgiliau rhyngbersonol i gydweithio fel aelod o dîm effeithiol a brwdfrydig. Yn sicr, mae’r swydd a’r ysgol yn cynnig datblygiad gyrfa cyffrous ac unigryw.

Nodwedd arbennig o’r adran yw’r disgwyliadau a’r safonau cyson uchel o ran gweithgaredd allgyrsiol a chyfleoedd i ddisgyblion. Bydd yr ymgeisydd llwyddiannus yn ymuno â thîm o athrawon ymroddgar dros ben sydd yn cynnig cyfleoedd amrywiol mewn sawl camp i ddisgyblion sy’n cyflawni ar lefel uchel iawn. Yn benodol mae bechgyn a merched yr ysgol wedi cystadlu mewn cystadlaethau cenedlaethol amrywiol ac wedi cael llwyddiannau nodedig. Yn ogystal mae’r adran yn cyfrannu at weithgaredd a blaengareddau ysgol gyfan i hyrwyddo cyswllt cynradd, bywyd iach a datblygu hyfforddwyr ifanc.

Os hoffech fwy o fanylion am y swydd hon ac am sgwrs anffurfiol cysylltwch â’r Pennaeth Gweithredol, Mr Matthew Evans.

Proses Ymgeisio

Gellir ymgeisio am y swydd hon drwy ffurflen a llythyr cais yn mynegi diddordeb am ymgymryd â’r swydd. Gellir sôn am brofiad perthnasol ar gyfer y swydd hon, ynghŷd â’r weledigaeth ar sut y gellir cyfrannu ymhellach yng nghyd destun cymuned yr ysgol.

Dyddiad Cau: 10yb Dydd Mawrth 3 Chwefror 2026

Dyddiad dechrau y swydd: 1 Medi 2026