Swyddog Cyllid a Gweinyddol
Cytundeb 1 blwyddyn/Secondiad
(Gradd 5: 41wythnos / 37awr)
Mae’r ysgol yn awyddus i benodi unigolion brwdfrydig ac effeithol i swydd Swyddog Cyllid a Gweinyddol yn Ysgol Gyfun Gymraeg Glantaf. Bydd disgwyl i’r ymgeisydd llwyddiannus fod â’r profiad a’r ddealltwriaeth i ymateb yn hyblyg i ymholiadau gwahanol. Mae’r swydd yn gofyn am sgiliau rhyng-bersonol da iawn i allu delio gydag amrywiaeth o sefyllfaoedd, asiantaethau a phartneriaid allanol, y cyhoedd a’r gymuned ehangach.
Bydd disgwyl i’r ymgeisydd llwyddiannus fod â sgiliau gweinyddol a threfniadaeth ardderchog, a’r gallu i ddelio yn sensitif a chyfrinachol mewn sefyllfaoedd personol neu gymleth. Mae’r gallu i weithio yn effeithiol fel rhan o dîm estynedig yn allweddol i’r rôl gan weithio’n agos iawn gyda’r Rheolwr Busnes a staff gweinyddol eraill, y tîm arwain ynghyd â staff eraill ar draws yr ysgol. Bydd angen sgiliau trefnu a rheoli gweinyddiaeth effeithiol er mwyn sicrhau fod materion yn cael sylw mewn da bryd a bod blaenoriaethau yn derbyn sylw teilwng mewn cyfyngder amser penodol. Byddwch yn gyfrifol o ddydd i ddydd am rheoli cyllidebau, sicrhau gwerth am arian a gofynion awdit a chyllid sy’n gofyn am gofnodion manwl gywir a chlir. Byddwch yn delio a rhychwant eang iawn o rhanddeiliaid ar draws cymuned yr ysgol gan sicrhau cyfathrebu cywir, trefniadaeth effeithiol a llyfn rediad yr ysgol. Gyda ymestyn darpariaeth yr ysgol i gynnwys timau arlwyo, byddwch yn gefnogaeth weinyddol a chyllidol gwerthfawr i sicrhau gwerth am arian a llyfn drosglwyddiad y busnes arlwyo i brif waith yr ysgol. Byddwch yn derbyn cefnogaeth barod yn eich gwaith gan y Rheolwr Busnes fydd yn cyfeirio a chefnogi llyfn rediad staff cefnogi yr ysgol, er lles a chynydd disgyblion Glantaf.
Rhan allweddol o’r swydd yw dealltwriaeth gadarn a sylweddol o brosesau cyllidol a gofynion awdit. Bydd elfennau o’r gwaith yn ymestyn i faes adnoddau dynol gan arwain a rheoli staff eraill, yn benodol y gwasanaeth arlwyo neu’r swyddfa flaen. Byddwch yn ogystal yn ymwneud â marchnata a hyrwyddo’r ysgol drwy ddigwyddiadau a gweithgareddau er cynyddu incwm neu ledaenu enw da yr ysgol yn y gymuned ehangach.
Os hoffech fwy o fanylion am y swydd hon ac am sgwrs anffurfiol cysylltwch â’r Pennaeth Gweithredol neu’r Rheolwr Busnes.
Mae Ysgol Gyfun Gymraeg Glantaf yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.