Athro Gwyddoniaeth
£1,000 – tâl recriwtio am y flwyddyn gyntaf (ar gyfer ymgeisydd addas)
Ar gyfer Medi 2024
Contract parhaol
Y rôl – (Addysgu gwyddoniaeth yng nghyfnodau 3 & 4 ac o bosib CA5)
Dyma gyfle arbennig i ymuno ag ysgol sydd ar cyfnod cyffrous yn ei hanes. Wnaeth yr ysgol agor i fod yn yr ysgol bob oed (3-19) cyntaf Awdurdod Addysg Torfaen yn Medi 2022.
Gwahoddir ceisiadau gan addysgwr sector cynradd neu uwchradd cyfrwng Cymraeg. Yn ogystal cynigir hyfforddiant gloywi iaith i addysgwr cynradd ac uwchradd y sector Saesneg os dymunant ymuno â theulu Ysgol Gymraeg Gwynllyw.
Rhan annatod o’n gweledigaeth yw rhoi dysgu ac addysgu, ynghyd â datblygiad proffesiynol ein staff fel prif ffocws. Mae gennym dîm brwdfrydig o staff yma yng Ngwynllyw, sydd yn ymroi i gynnal y safonau uchaf o ddysgu ac addysgu a chyflawniad dysgwyr.
Chwiliwn am athro ymroddgar sydd ag arbenigedd perthnasol i addysgu gwyddoniaeth yng nghyfnodau allweddol 3 & 4 ac o bosib yng nghyfnod allweddol 5.
Byddwn yn cynnig cyfleoedd i ddatblygu eich hun yn broffesiynol wrth i’r ysgol ddatblygu trwy ddarparu cefnogwr addysgeg bersonol i’r ymgeisydd llwyddiannus. Mae cefnogwr addysgeg ac athrawon yn bartneriaid yn y broses o gynnal a gwella safonau dysgu ac addysgu yn barhaus.
Agorodd Ysgol Gyfun Gwynllyw fel ysgol gyfun Gymraeg gyntaf hen sir Gwent yn 1988 ac ers y cyfnod hynny, braf yw gweld addysg Gymraeg yn ffynnu yn yr ardal hon. Lleolir yr ysgol ar gyrion tref hanesyddol Pont-y-pŵl, ac yn gyfleus iawn i’r trefi mawrion, Caerdydd (tua hanner awr), Casnewydd (tua chwarter awr), yn ganolog iawn i draffyrdd yr M4 a’r M5 a phriffordd Pennau’r Cymoedd sy’n arwain at Ferthyr, Y Fenni a Henffordd. Mae’r ysgol hefyd yn gweithio’n agos gydag ysgolion uwchradd Cymraeg eraill wrth ddatblygu ein cwricwlwm newydd a chynigir amryw o gyfleoedd datblygiad proffesiynol fel rhan o hyn.
Mae hwn yn gyfle arbennig i ddatblygu gyrfa a chymryd rhan flaenllaw yn natblygiad yr ysgol gyfan gan fodloni blaenoriaeth genedlaethol.
Mae Ysgol Gymraeg Gwynllyw yn ysgol sy’n hyrwyddo iaith a diwylliant Cymru ac mae’n ymfalchïo yn ei llwyddiant i fagu siaradwyr Cymraeg rhugl. Felly, bydd disgwyl i’r ymgeisydd llwyddiannus, ynghyd â holl staff yr ysgol, rannu a hyrwyddo’r weledigaeth hon.
Os oes diddordeb gennych mewn ymuno ar ein taith datblygu, cwblhewch y ffurflen gais a’i ddychwelyd trwy eteach / wefan Torfaen
Dyddiad cau: 12yp 17eg o Fai 2024
Dyddiad cychwyn: Medi 2024
Ysgol Gyfun Gwynllyw is committed to safeguarding and promoting the welfare of children, young people and vulnerable adults and expects all staff and volunteers to share this commitment.We particularly welcome applications from under represented groups including ethnicity, gender, transgender, age, disability, sexual orientation or religion.