Cynorthwyydd Addysgu Lefel Uwch

Swydd Barhaol

Gradd 6 - £31,537- £34.343 (pro-rata)

Amser tymor yn unig (39 wythnos)

Mae Ysgol Gymraeg Gwynllyw yn hyrwyddo ethos o un tîm, un teulu wrth i ni i weithredu cwricwlwm i Gymru, tyfu fel ysgol 3-19 ac arloesi gyda systemau newydd i gefnogi hunanwerthuso a gwelliant, datblygiad medrau a safonau dysgwyr.

Ni yw’r unig ysgol cyfrwng Cymraeg 3-19 yn y rhanbarth a’r unig ysgol 3-19 yn sir Torfaen.

Dyma gyfle arbennig i ymuno ag Ysgol Gymraeg Gwynllyw wrth i ni ddatblygu fel ysgol gydol oes. Ym Medi 2022, agorwyd Ysgol Gymraeg Gwynllyw, wrth i’n hadran gynradd groesawu ei disgyblion cyntaf.

Mae gennym dîm brwdfrydig o staff yma yng Ngwynllyw, sydd yn ymroi i gynnal y safonau uchaf o ddysgu ac addysgu a chyflawniad dysgwyr.

Agorodd Ysgol Gyfun Gwynllyw fel ysgol gyfun Gymraeg gyntaf hen sir Gwent yn 1988 ac ers y cyfnod hynny, braf yw gweld addysg Gymraeg yn ffynnu yn yr ardal hon. Lleolir yr ysgol ar gyrion tref hanesyddol Pont-y-pŵl, ac yn gyfleus iawn i’r trefi mawrion, Caerdydd (tua hanner awr), Casnewydd (tua chwarter awr), yn ganolog iawn i draffyrdd yr M4 a’r M5 a phriffordd Pennau’r Cymoedd sy’n arwain at Ferthyr, Y Fenni a Henffordd. Mae’r ysgol hefyd yn gweithio’n agos gydag ysgolion uwchradd Cymraeg eraill wrth ddatblygu ein cwricwlwm newydd a chynigir amryw o gyfleoedd datblygiad proffesiynol fel rhan o hyn.

Gwahoddir ceisiadau gan addysgwr sector cynradd cyfrwng Cymraeg. Yn ogystal cynigir hyfforddiant gloywi iaith i addysgwr cynradd ac uwchradd y sector Saesneg os dymunant ymuno a theulu Ysgol Gymraeg Gwynllyw.

Mae gennym dîm brwdfrydig o staff yma yng Ngwynllyw, sydd yn cydweithio’n dda i ymroi i gynnal y safonau uchaf o ddysgu ac addysgu a chyflawniad dysgwyr. Fel ysgol, mae hybu lefelau uchel o les staff yn flaenoriaeth bwysig i ni. Eleni, rydym yn peilota cynllun ‘amser aur’ i staff yr ysgol, er mwyn cynnig cyfnod i staff weithio oddi ar safle’r ysgol unwaith pob tair wythnos. Byddwn yn cynnig cyfleoedd ardderchog i’r ymgeisydd llwyddiannus barhau i ddatblygu’n broffesiynol o fewn cymuned gefnogol.

Rydym yn edrych i benodi:

• ymarferydd dosbarth cymwysedig eithriadol gydag angerdd am ddatblygu dysgu plant, gyda'r gallu a'r arbenigedd i gyflenwi amser CPA a rhyddhau arweinwyr tîm pan fo angen gan gynnwys cyflenwi dros dro yn y tymor byr, yn ogystal ag arwain ymyraethau i gefnogi ein plant ymhellach.

Rydym yn chwilio am CALU deinamig, gyda disgwyliadau uchel a dealltwriaeth o godi cyrhaeddiad ac yn unigolyn creadigol, cadarnhaol a fydd yn cydweithio fel aelod o dîm sy'n gosod esiampl dda o ran gwisg, prydlondeb a phresenoldeb ac yn modelu gwerthoedd ein hysgol yn effeithiol.

Bydd yr ymgeisydd llwyddiannus yn:

• Gweithio ochr yn ochr â’r athrawon dosbarth wrth gynllunio a gweithredu gwersi.
• Cyflwyno cynnwys y wers yn unol â chyfarwyddiadau a chynllun yr athro dosbarth, gan deilwra i ddiwallu anghenion y plant, os oes angen.
• Bod yn rhan o asesu, cofnodi ac adrodd ar ddatblygiad, cynnydd a chyrhaeddiad y plant.
• Asesu gwaith yn unol â chyfarwyddyd yr athro dosbarth yn unol â pholisi adborth yr ysgol.

Gallwn gynnig cyfle i’r ymgeisydd llwyddiannus:

• Gweithio gyda phlant ag ymddygiad rhagorol, sy'n llawn cymhelliant ac yn awyddus i ddysgu.
• Gweithio o fewn tîm cefnogol, cyfeillgar.
• Datblygu eu datblygiad proffesiynol trwy ystod o gyfleoedd hyfforddi.
• Gweithio mewn ysgol sy'n hybu lles staff.
• Gweithio gyda theuluoedd a llywodraethwyr sy'n gwerthfawrogi ac yn cefnogi gwaith yr ysgol.

Mawr obeithiwn y byddwch yn gwneud cais i ymuno â ni wrth i ni ddatblygu a gwella gyda golwg clir ar y dyfodol.

Gofynnir i chi gwblhau ffurflen gais erbyn dydd Sul 15fed o Fawrth 2026.

Os ydych am drafod y swydd ymhellach, cysylltwch â’r ysgol i siarad â Cath Evans, Pennaeth.

Mae'r swydd hon yn amodol ar wiriad DBS manylach. Mae’r ysgol yn cydymffurfio â Rheoliadau Gofal Plant (Anghymhwyso) 2009, drwy sicrhau nad yw staff yn cael eu gwahardd rhag gweithio gyda phlant. Trefnir cyfweliadau wrth i geisiadau ddod i law. Anogir ymgeiswyr felly i gyflwyno eu ffurflenni cais cyn gynted â phosibl. Rydym yn cadw'r hawl i dynnu'r hysbyseb hon yn ôl cyn y dyddiad cau ar gyfer penodi ymgeisydd addas.

Rydyn ni wedi cofrestru fel Cyflogwr Hyderus o ran Anabledd, ac ymrwymo i gyflogi a datblygu gyrfaoedd pobl anabl. Mae ein Cynllun Gwarantu Cyfweliad yn gwarantu y bydd pobl ag anableddau yn cael eu gwahodd i gyfweliad, ar yr amod eu bod yn bodloni'r gofynion hanfodol ar gyfer y rôl. Os oes gennych gyflwr iechyd, os ydych yn niwroamrywiol, neu’n defnyddio Iaith Arwyddion Prydain, a hoffech drafod addasiadau rhesymol, cysylltwch â'r rheolwr recriwtio. Gallwn weithio gyda chi i drefnu addasiadau os ydym yn gwybod pa ofynion sydd gennych, cyn i chi gyflwyno'ch cais, sefyll prawf neu ddod i gyfweliad.