Pennaeth

I ddechrau ar Medi 1af 2025, neu cyn gynted â phosib wedi hynny.

Mae'r Corff Llywodraethu am benodi Pennaeth brwdfrydig ac ysbrydolus a fydd yn gweithio mewn partneriaeth â staff ymrwymedig a gofalgar, corff llywodraethu cefnogol, a phlant hapus, cryf eu cymhelliad ac eiddgar i ddysgu. Mae hwn yn gyfle cyffrous ar gyfer yr ymgeisydd llwyddiannus.

Cafodd yr ysgol ei harolygu diwethaf gan Estyn yn 2024 a derbyniwyd canmoliaeth am ei safonau dysgu uchel, hunaniaeth ddiwylliannol gref a’i hamgylchedd cynhwysol a chefnogol. Dylai’r ymgeisydd llwyddiannus rhannu gwerthoedd yr ysgol - Caredigrwydd, Cymreictod a Chymuned - a bod yn barod i yrru ein strategaeth i roi cyfle i bob plentyn lwyddo.

Cafodd yr ysgol ei harolygu gan Estyn yn 2024 a chafodd ei chanmol am ei safonau addysgol uchel, ei hunaniaeth ddiwylliannol gref a'i hamgylchedd dysgu cynhwysol a chefnogol i ddisgyblion. Dylai'r ymgeisydd llwyddiannus rannu gwerthoedd yr ysgol o Garedigrwydd, Cymreictod a Chymuned a gyrru ein cenhadaeth i "roi cyfle i bob plentyn lwyddo".

Bydd yr ymgeisydd llwyddiannus yn gallu:

- Dangos gweledigaeth glir wrth gynnal a datblygu ein hysgol mewn partneriaeth â'r staff, y llywodraethwyr, y rhieni a'r awdurdod lleol.

- Hybu datblygiad gwaith tîm deinamig a chyfrifoldeb ar y cyd ar draws ysgol fawr.

- Arwain, rheoli ac ysgogi staff a disgyblion.

- Codi safonau cyrhaeddiad a chyflwyniad disgyblion.

- Dangos sgiliau rhyngbersonol rhagorol.

- Deall pwysigrwydd yr ysgol yng nghanol ei chymuned.

- Dangos gwybodaeth a dealltwriaeth darpariaeth Anghenion Dysgu Ychwanegol.

- Sicrhau bod y gyllideb a phob adnodd yn yr ysgol yn cael eu rheoli'n effeithlon ac yn effeithiol.

- Dangos gyrfa lwyddiannus o ragoriaeth yn arweinyddiaeth, rheolaeth a gwelliant ysgol.

Mae Cyngor Castell-nedd Port Talbot yn gwbl ymrwymedig i ddiogelu a hyrwyddo lles plant a phobl ifanc, ac mae'n disgwyl i'r holl staff a gwirfoddolwyr rannu'r ymrwymiad hwn. Mae ein hysgolion yr un mor ymrwymedig i sicrhau diogelwch yr holl blant a phobl ifanc a byddwn yn cymryd camau gweithredu i ddiogelu eu lles.

Bydd asesiad recriwtio mwy diogel a thrylwyr wrth wraidd y broses recriwtio ar gyfer y swydd hon i sicrhau bod plant a phobl ifanc yn cael eu hamddiffyn.

Rhaid i ymgeiswyr nad ydynt yn Bennaeth ar hyn o bryd feddu statws CPCP pan y'i penodir.

Bydd ymgeiswyr sy'n cyrraedd y rhestr fer yn cael gwahoddiad i ymweld â'r ysgol. Bydd angen i ymgeiswyr ddarparu dau ddatganiad personol/llythyr o ddim mwy na 1,000 gair yn y Gymraeg a’r Saesneg.

Mae'r swydd hon yn amodol ar Ddatgeliad Manwl gan y Gwasanaeth Datgelu a Gwahardd.

Gellir cyflwyno ceisiadau yn Gymraeg. Ni chaiff ceisiadau a gyflwynir yn Gymraeg eu trin yn llai ffafriol na chais a gyflwynir yn Saesneg.

Y dyddiad cau ar gyfer ceisiadau yw 12.00 o’r gloch, Mai 8fed 2025

Cyfweliadau: Mai 23 2025

Mae angen y Gymraeg ar gyfer y swydd hon.