Athro / Athrawes Gwyddoniaeth a Cemeg

Rydym yn chwilio am athro/athrawes Gwyddoniaeth brwd, ymrwymedig a chreadigol i ymuno ag adran flaengar a llwyddiannus yn Ysgol Gyfun Gymraeg Bro Edern. Bydd yr ymgeisydd llwyddiannus yn cyfrannu’n ganolog at lwyddiant academaidd disgyblion drwy ddarparu gwersi Gwyddoniaeth o ansawdd uchel ar draws Cyfnod Allweddol 3, ac i addysgu Cemeg hyd at Gyfnod Allweddol 4 a 5, os yn addas.

Am y rôl

Byddwch yn:

 - ddarparu elfennau craidd y cwricwlwm Gwyddoniaeth, gan fod yn wybodus ym mhob un o’r tri disgyblaeth: Bioleg, Cemeg a Ffiseg;

 - defnyddio amrywiaeth o ddulliau asesu ac adborth effeithiol i gynnal a chodi safonau;

 - cefnogi datblygiad academaidd, ieithyddol a diwylliannol disgyblion gan gyfrannu at weithgareddau allgyrsiol a’r ethos Cymraeg cryf sydd wrth galon yr ysgol;

 - cydweithio’n adeiladol gydag aelodau’r adran mewn ysgol sy’n parhau i dyfu ac esblygu.

Gofynion y swydd

Rhaid i’r ymgeiswyr:

 - feddu ar Statws Athro Cymwysedig (SAC) neu gymhwyster cyfatebol;

- feddu ar gymwysterau perthnasol mewn pwnc gwyddonol (e.e. gradd BSc);

 - feddu ar sgiliau addysgu ac ysbrydoli rhagorol, gyda gallu i gyflwyno cynnwys damcaniaethol ac ymarferol o fewn ystod eang o fodiwlau gwyddonol;

 - meddu ar sgiliau cyfathrebu ardderchog yn Gymraeg ac yn Saesneg;

 - bod yn hyderus gyda TGCh ac yn barod i ddefnyddio technoleg yn effeithiol yn y dosbarth;

 - ymrwymo i gynnal ethos cadarnhaol, cynhwysol ac uchelgeisiol, wedi’i wreiddio yn y Gymraeg a diwylliant Cymru.

Pam ymuno â ni?

Byddwch yn rhan o dîm ymroddgar sy’n gweithio mewn ysgol gymunedol Gymraeg fywiog sy’n parhau i dyfu ac i lwyddo. Rydym yn cynnig:

- cyfleoedd helaeth ar gyfer datblygiad proffesiynol;

- cefnogaeth cryf gan adran brofiadol a chydweithredol;

- y cyfle i gael effaith sylweddol ar ganlyniadau a datblygiad disgyblion mewn pwnc allweddol.