Athro/Athrawes Celfyddydau Mynegiannol (Celf) (0.5)
Mae Corff Llywodraethol Ysgol Caer Elen yn chwilio am athro/athrawes Celf a’r Celfyddydau Mynegiannol talentog, brwdfrydig a chymwys i ymgymryd â’r swydd hon. Disgwylir i’r ymgeisydd llwyddiannus fod yn gyfrifol am gyflwyno’r Maes Dysgu a Phrofiad Celfyddydau Mynegiannol (Celf) yng Ngham Cynnydd 4 a 5. Bydd deiliad y swydd hefyd yn gyfrifol am addysgu Celf at safon TGAU. Edrychwn am unigolyn egnïol a fydd yn barod i gyfrannu’n llawn at safonau academaidd a bywyd allgyrsiol yr ysgol.
Cytundeb parhaol, rhan amser yn y lle cyntaf (0.5) yw’r swydd hon a disgwylir i’r ymgeisydd llwyddiannus ddechrau o’r 4ydd o Ionawr 2027.
Ysgol pob oed 3-16 cyntaf cyfrwng Cymraeg Sir Benfro yw Ysgol Caer Elen sydd yn cynnig cyfleusterau rhagorol. Mae ein haddysgeg a’r ethos dysgu holistaidd yn galluogi ein disgyblion i gyfranogi a datblygu mewn amgylchedd ysgogol, hapus a diogel.
Os hoffech drafod cynnwys y swydd hon ymhellach, yna cysylltwch â’r Pennaeth, Mr Dafydd Hughes, trwy e-bost neu trwy ffonio'r ysgol.
Y dyddiad cau ar gyfer y swydd yw dydd Llun, Tachwedd 9fed 2026.
Mae Ysgol Caer Elen yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.