Pennaeth Blwyddyn/Athro Gwyddoniaeth

Pennaeth Blwyddyn / Athro Gwyddoniaeth

CAD 2b

Ysgol Gymraeg Ystalyfera

Mae Ysgol Gymraeg Ystalyfera yn chwilio am Bennaeth Blwyddyn angerddol ac ysbrydoledig sydd ag arbenigedd cryf mewn Gwyddoniaeth, ynghyd â’r gallu arwain a’r ymrwymiad i gefnogi lles, cynnydd ac ymddygiad disgyblion. Dyma gyfle cyffrous i ymuno ag ysgol flaengar sy’n cynnig profiad addysgol unigryw a chyfoethog.

Am yr Ysgol

Rydym yn ysgol 3–18 oed boblogaidd a ffyniannus, wedi’n lleoli yng Nghwm Tawe, gydag ethos bugeiliol a theuluol sy’n ganolog i’n harlwy. Mae gennym hanes ardderchog o gyflawni llwyddiant academaidd rhagorol, ynghyd ag ymrwymiad cryf i ddarparu ystod eang o gyfleoedd cyfoethogi i’n disgyblion.

Y Cyfle

Bydd yr ymgeisydd llwyddiannus yn ymuno â thîm o athrawon hynod ymroddgar sy’n cynnig profiadau o ansawdd uchel i ddisgyblion sy’n cyflawni’n eithriadol o dda. Mae’r Adran Wyddoniaeth yn adran flaengar a llwyddiannus ar lefelau TGAU a Safon Uwch, gan ddenu niferoedd uchel o ddisgyblion ym mlwyddyn 12 gyda chanlyniadau sy’n parhau i ragori flwyddyn ar ôl blwyddyn.

Rydym yn chwilio am unigolyn sydd:

• â gweledigaeth glir o ddysgu ac addysgu dynamig a blaengar;

• yn gallu gweithio’n effeithiol fel rhan o dîm brwdfrydig;

• yn meddu ar sgiliau rhyngbersonol rhagorol ac angerdd am ddatblygu eraill.

Cyfrifoldebau Arwain

Yn ogystal â’r rôl Athro Gwyddoniaeth, bydd disgwyl i’r ymgeisydd llwyddiannus arwain grŵp blwyddyn penodol. Bydd y dyletswyddau’n cynnwys:

• gweithio’n agos gyda’r tîm lles ac arweinwyr canol;

• monitro cynnydd ac ymddygiad disgyblion;

• cefnogi a gweithredu strategaethau lles;

• ymateb i anghenion unigol disgyblion;

• manteisio ar gyfleoedd sylweddol i ddatblygu sgiliau arwain mewn ysgol fawr, aml-safle.

Eich Dyfodol Gyda Ni

Mae’r swydd hon yn addas ar gyfer unigolyn uchelgeisiol sy’n awyddus i gamu ymlaen yn eu gyrfa addysgu ac arwain. Rydym yn cynnig cyfleoedd datblygu proffesiynol cryf sydd yn rhan annatod o ethos yr ysgol ac sy’n cefnogi twf ac uchelgais arweinwyr y dyfodol.

Os hoffech fwy o fanylion am y swydd hon ac am sgwrs anffurfiol cysylltwch â’r Pennaeth, Mrs Laurel Davies neu os am becyn ymgeisio a ffurflen gais cysylltwch â Mr Martyn Hancock, Rheolwr Busnes yr ysgol.

Proses Ymgeisio

Gellid ymgeisio am y swydd hon drwy ffurflen a llythyr cais yn mynegi diddordeb am ymgymryd a’r swydd. Gellir sôn am brofiad perthnasol ar gyfer y swydd hon, ynghyd â’r weledigaeth ar sut y gellir cyfrannu ymhellach yng nghyd destun cymuned yr ysgol.

Dyddiad Cau: Hanner Dydd, Dydd Llun Chwefror 23ain 2026

Dyddiad dechrau y swydd: Medi 2026