Sorry, we are currently not recruiting for any vacancies.
We would love you to join our Talent Pool so we can contact you when the right vacancy arises.
Sorry, we are currently not recruiting for any vacancies.
We would love you to join our Talent Pool so we can contact you when the right vacancy arises.
Sefydlwyd Ysgol Maes y Gwendraeth yn 2013 ac mae’r ysgol yn gymuned Gymreig sydd yn seilio ei gwaith ar y gwerthoedd sylfaenol o ofal, parch tuag at ein gilydd a gonestrwydd. Ffocws yr ysgol yw cyflawni potensial pob disgybl a gwneir pob ymdrech i gyrraedd y safonau uchaf o ran cyrhaeddiad academaidd pob disgybl. Ar y seiliau cadarn hyn gwneir pob ymdrech i ymestyn gorwelion bob un o’i disgyblion i’w galluogi i fod yn ddinasyddion cyfrifol a gweithredol.
Y Gymraeg yw iaith bob dydd yr ysgol a chyfrwng y rhan fwyaf o’r gwersi. Mae cynnal Cymreictod o fewn yr ysgol, y gymuned leol a thu hwnt yn rhan ganolog o waith yr ysgol.
Conglfaen arall o waith a chennad yr ysgol yw datblygiad moesol, ysbrydol a chorfforol ei disgyblion. Arddelir y safonau ymddygiad uchaf ac adlewyrchir hyn yn ymddygiad da’r disgyblion ar hyd y blynyddoedd. Mae gan yr ysgol ddisgwyliadau clir ac uchel a chefnogir hyn gan ddisgyblion a theuluoedd yr ysgol. Mae gwaith dyngarol yn elfen amlwg o waith a thraddodiad Maes y Gwendraeth.
Ar y sylfeini cadarn hyn, paratoa’r ysgol ei phobl ifanc ar gyfer cymryd eu lle yn eu cymunedau boed y rheini yma yn Sir Gar neu ym mhendraw’r byd.
Mae pob disgybl unigol yn bwysig ym Maes y Gwendraeth. Datblygiad cyflawn pob unigolyn yw canolbwynt gwaith yr ysgol.
Wyn Evans
Pennaeth
Mae Canolfan yr Eithin yn ddarpariaeth arbenigol ar gyfer disgyblion ag SLD, PMLD a / neu Awtistiaeth.
Rydym yma i gefnogi plant a phobl ifanc ag anghenion dysgu ychwanegol drwy hyrwyddo cyflawniad a llesiant i bawb.
Mae'r system ar gyfer cefnogi plant a phobl ifanc ag anghenion addysgol arbennig ac anabledd yng Nghymru yn newid. Mae Llywodraeth Cymru yn cyflwyno system fwy hyblyg ac ymatebol o ddiwallu anghenion plant a phobl ifanc ag anghenion addysgol arbennig neu anableddau ac mae'n ymdrechu i ddarparu system addysg gwbl gynhwysol ar gyfer dysgwyr Cymru. Bydd y system Anghenion Dysgu Ychwanegol newydd yn cael ei chyflwyno yn raddolo fis Medi 2021.