32.5 awr yr wythnos
Dyddiad dechrau disgwyliedig Ionawr 2026 (neu cyn gynted â phosibl ar ôl hynny)
Mae Corff Llywodraethu Ffederasiwn Cwm Garw, sy'n cynnwys Ysgol Gynradd Betws, Ysgol Gynradd Ffaldau ac Ysgol Blaengarw, yn ceisio penodi Pennaeth Ysgol dynamig, ymroddedig, a blaengar i ymuno â'n tîm arweinyddiaeth. Mae ein Ffederasiwn yn gwasanaethu dalgylch amrywiol ac eang ac mae'n adnabyddus am ei ysbryd cymunedol cryf. Er bod y swydd wedi'i bwriadu'n bennaf i gwmpasu swydd Pennaeth Ysgol Gynradd Betws, efallai y bydd yn ofynnol i chi ddarparu arweiniad ar draws ysgolion eraill yn ein Ffederasiwn.
Mae hwn yn gyfle cyffrous i arweinydd llawn cymhelliant wneud gwahaniaeth gwirioneddol i fywydau plant, teuluoedd, a'r gymuned ehangach. Gan weithio'n agos gyda'r Pennaeth Gweithredol, byddwch yn chwarae rhan ganolog wrth lunio dyfodol ein Ffederasiwn, gan weithio mewn partneriaeth gyda staff, disgyblion, rhieni a'r gymuned ehangach. Byddwch yn darparu arweinyddiaeth gref a gweladwy ar draws y Ffederasiwn, gan sicrhau safonau uchel o addysgu, dysgu, a llesiant i bob plentyn.
Fel Pennaeth Ysgol, byddwch yn gweithio o dan gyfarwyddyd y Pennaeth Gweithredol, gan ddarparu cyfraniad sylweddol at ddatblygiad gweledigaeth glir ar gyfer y Ffederasiwn a'r arweinyddiaeth broffesiynol sy'n ofynnol i alluogi'r holl staff i gefnogi dysgwyr i gyflawni eu potensial llawn. Byddwch yn dirprwyo dros y Pennaeth Gweithredol yn ôl yr angen ac yn arwain ar feysydd allweddol gan gynnwys rheoli perfformiad, asesu, diogelu, ystadau a rheoli adeiladau, adnoddau dynol, cynhwysiant, a chydymffurfiaeth ariannol.
Rydym yn chwilio am rywun sydd:
Byddwch yn darparu arweinyddiaeth ddynamig a strategol ar draws ein hysgolion, gan ysgogi gwelliant a meithrin diwylliant dysgu cadarnhaol.
Bydd gennych hanes amlwg o arweinyddiaeth lwyddiannus ym maes addysg.
Byddwch yn symbylu ac yn ennyn brwdfrydedd staff, disgyblion, a rhanddeiliaid i gyflawni eu gorau.
Byddwch yn gallu ysbrydoli, cefnogi, a herio staff i gyflawni'r canlyniadau gorau i'r holl ddysgwyr.
Meithrin perthnasoedd cadarnhaol gyda disgyblion, rhieni, llywodraethwyr, a'r gymuned ehangach.
Yn ymrwymedig i gydweithio ar draws ysgolion i ysgogi gwelliant ac arloesi.
Yn meddu ar sgiliau rhyngbersonol eithriadol, yn ymrwymedig i feithrin a chynnal partneriaethau gyda disgyblion, staff, rhieni, llywodraethwyr, a'r gymuned leol ehangach.
Yr hyn y gallwn ei gynnig:
Y cyfle i arwain a llunio ein Ffederasiwn blaengar.
Cymorth gan Bennaeth Gweithredol ymroddedig, Corff Llywodraethu, a thimau staff ymrwymedig.
Amgylchedd cydweithredol a chefnogol, gyda chysylltiadau cryf â'r gymuned leol.
Cymuned groesawgar gydag ymdeimlad cryf o falchder a pherthyn.
Cyfleoedd datblygu proffesiynol, gan gynnwys hyfforddiant arweinyddiaeth a chymorth ar gyfer cymwysterau pellach.
Y cyfle i wneud gwahaniaeth gwirioneddol i fywydau a chanlyniadau plant a theuluoedd yn ein cymunedau.
Mynediad at adnoddau a rhwydweithiau yn yr awdurdod lleol a'r sector addysg ehangach.
Diwylliant sy'n gwerthfawrogi llesiant, gwelliant parhaus, ac arloesi.
Os ydych yn arweinydd ymroddedig sy'n angerddol am gael effaith ystyrlon ym maes addysg, rydym yn eich annog i wneud cais am y cyfle cyffrous hwn. Rydym yn edrych ymlaen yn eiddgar at gael eich cais a thrafod sut y gallwch gyfrannu at ddyfodol cyffrous ein Ffederasiwn.
Mae croeso i chi gyflwyno'ch cais yn Gymraeg neu yn Saesneg. Bydd pob cais yn cael ei drin yn gyfartal.
Datganiad Diogelu
Mae Ffederasiwn Cwm Garw yn ymrwymedig i ddiogelu a hyrwyddo lles plant, pobl ifanc ac oedolion agored i niwed ac yn disgwyl i'r holl staff a gwirfoddolwyr rannu'r ymrwymiad hwn. Rydym yn croesawu'n arbennig geisiadau gan grwpiau heb gynrychiolaeth ddigonol gan gynnwys ethnigrwydd, rhywedd, trawsryweddol, oedran, anabledd, cyfeiriadedd rhywiol neu grefydd.
Mae amddiffyn plant, pobl ifanc neu oedolion mewn perygl yn un o gyfrifoldebau craidd pob un o gyflogeion y cyngor.
Mae gwiriad cofnodion troseddol Manwl gyda Rhestr Waharddedig Plant gan y Gwasanaeth Datgelu a Gwahardd (DBS) yn un o'r gofynion ar gyfer y swydd hon.
Dyddiad Cau: 12 Tachwedd 2025
Dyddiad Llunio'r Rhestr Fer: 20 Tachwedd 2025
Dyddiad y Cyfweliad: 04 Rhagfyr 2025
Mae Garw Valley Federation yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.