Swydd Arweinydd yr Adran Addysg Grefyddol
CAD 2c
Mae’r ysgol yn awyddus i benodi athro brwdfrydig ac ymroddgar i swydd arwain, barhaol, llawn amser yr Adran Astudiaethau Crefydd a Moeseg. Mae hon yn rôl bwysig i ddatblygu ar y cyd gydag arweinwyr eraill, adran a maes gwricwlaidd o ddiddordeb ac arbenigedd allweddol o fewn yr ysgol. Byddai posibilrwydd o gyfrifoldeb ehangach dros agweddau o gwricwlwm lles yn bosib ar gyfer ymgeisydd addas.
Mae’r Adran yn llwyddiannus a phoblogaidd yn TGAU a Safon Uwch gan ddenu niferoedd da iawn i astudio o fewn y pwnc, ble mae’r canlyniadau dros y blynyddoedd diwethaf wedi bod yn rhagorol. Mae hyn yn golygu arwain tim o staff addysgu profiadol a brwdfrydig i sicrhau bod disgyblion wedi eu cymell yn dda ac yn llwyddo gyda chanlyniadau arbennig. Bydd ymrwymiad i weld y pwnc yn cadw a datblygu ymhellach yn CA4 a CA5 yn flaenoriaeth glir.
Bydd disgwyl i’r ymgeisydd llwyddiannus gael gweledigaeth glir o egwyddorion Dysgu ac Addysgu dynamig a blaengar a’r sgiliau rhyngbersonol i gydweithio fel aelod o dîm effeithiol a brwdfrydig. Mae’r cydweithio o fewn maes dysgu a phrofiad y Dyniaethau hefyd yn gryfder nodedig, ble mae’r adrannau yn llwyddo i weithio’n gydlynus ac effeithiol i gyfoethogi profiadau disgyblion a’u cymell yn eu dysgu. Yn sicr, mae’r swydd a’r ysgol yn cynnig datblygiad gyrfa cyffrous ac unigryw. Er fod y swydd hon yn fwy addas i athrawon gyda phrofiad yn y maes, byddwn â diddordeb hefyd mewn ymgeiswyr cryf, sydd yn fodlon derbyn sialens arweiniol o fewn ysgol sy’n cynnig hyfforddiant, cynhaliaeth ac arweiniad bellach.
Yn sgîl taith yr ysgol, rydym yn frwdfrydig i weld sut gallwn ddatblygu ymhellach ar gyfer ein plant a phobl ifanc yn sgil datblygiadau Cwricwlwm i Gymru. Bydd yn allweddol i ddatblygu profiadau addysgol gwerthfawr i ddatblygu galluoedd, brwdfrydedd a dealltwriaeth disgyblion yn gydlynus ac yn greadigol i’r dyfodol.
Nodwedd arbennig o’r ysgol yw’r disgwyliadau a’r safonau cyson uchel o ran gweithgaredd allgyrsiol a chyfleoedd i ddisgyblion. Bydd yr ymgeisydd llwyddiannus yn ymuno â thîm o athrawon ymroddgar dros ben sydd yn cynnig cyfleoedd amrywiol mewn sawl maes i ddisgyblion sy’n cyflawni ar lefel uchel iawn. Yn benodol mae bechgyn a merched yr ysgol wedi cystadlu mewn sialensiau cenedlaethol sydd wedi dyfnhau a chyfoethogi eu deall o berthnasedd eu dewis pwnc i fywyd cyfoes.
Os hoffech fwy o fanylion am y swydd hon ac am sgwrs anffurfiol cysylltwch â’r Pennaeth, Mr Matthew Evans.
Proses Ymgeisio
Gellir ymgeisio am y swydd hon drwy ffurflen a llythyr cais yn mynegi diddordeb am ymgymryd â’r swydd. Gellir sôn am brofiad perthnasol ar gyfer y swydd hon, ynghŷd â’r weledigaeth ar sut y gellir cyfrannu ymhellach yng nghyd destun cymuned yr ysgol.
Dyddiad Cau: Hanner Dydd, Dydd Mawrth, 7 Mai 2024
Dyddiad tebygol ar gyfer cyfweliad: 13 Mai 2024
Dyddiad dechrau y swydd: 1 Medi 2024
Mae Ysgol Gyfun Gymraeg Glantaf yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.