Myfyrwyr Is-Raddedigion

SWYDDI HYBLYG RHAN AMSER

Myfyrwyr Israddedigion Gwyddoniaeth; Mathemateg; Technoleg; Ieithoedd; Cymraeg; Saesneg a Celfyddydau Perfformio

Cynorthwy-ydd Dysgu Gradd 4 

I ddechrau cyn gynted â phosib

Ar ôl derbyn eich amserlen, beth am ymuno a ni ar gyfnodau rhydd i weithio ochr yn ochr â’n staff profiadol i wella cyfleoedd i blant a phobl ifanc drwy gyfrwng y Gymraeg?

Byddwch yn derbyn cyflog rheolaidd, profiad cyfoethog o fewn addysg ac yn cyfrannu yn ymarferol i helpu disgyblion o fewn ysgolion lleol y ddinas

Dyma gyfleoedd rhagorol i ddatblygu sgiliau a gweithio mewn ysgolion cyfrwng Cymraeg lleol.

Edrychwn am israddedigion neu raddedigion ymchwil sy’n barod i weithio rhan amser yn mentora a chefnogi disgyblion. Byddai hyn yn golygu gweithio ambell ddydd llawn neu sesiynau bore / prynhawn ar amserlen hyblyg iawn yn ôl argaeledd amserlen pob ymgeisydd.

Bydd y gwaith yn golygu gweithio fel mentor i wella sgiliau iaith neu rhif neu ar raglenni sy’n gwella lles emosiynol disgyblion. Gall hefyd olygu cynnal clwb neu weithgaredd i ddisgyblion ar ôl ysgol, yn cynorthwyo i hyfforddi chwaraeon neu arwain côr! Byddwch yn gweithio fel rhan o dîm arbenigol o fewn un o’n hysgolion, yn derbyn hyfforddiant ac arweiniad yn eich gwaith, ac yn derbyn profiad cyfoethog i lwybr gyrfa o fewn byd addysg.

Mae’r swyddi yn agored i fyfyrwyr israddedig neu ôl-radd cyfrwng Cymraeg ond byddwn â diddordeb arbennig o fewn pynciau Gwyddoniaeth; Mathemateg; Technoleg; Ieithoedd; Cymraeg; Saesneg a Celfyddydau Perfformio.

Mae ysgolion Bro Edern, Glantaf a Plasmawr wedi ymrwymo yn gadarn at bolisïau diogelu ac amddiffyn plant ac mae ein holl weithlu yn ymrwymo i’r egwyddor craidd hwn. Bydd y swyddi yn amodol ar wiriad diogelu llawn.

I ymgeisio, gallwch anfon llythyr cais byr a CV syml yn nodi eich profiad a’ch diddordeb at:

Mrs Catrin Arnopp Cydlynydd y Prosiect Cynyddu Capasiti, Ysgol Glantaf

Swyddi rhagorol rhan-amser drwy gyfrwng y Gymraeg