Gwahoddir ceisiadau gan berson brwdfrydig ac ymroddedig i ymuno a thîm llwyddiannus iawn yn yr adran cefnogi erbyn Medi 1af, 2025. Bydd yn ofynnol i’r unigolyn i gefnogi disgyblion sydd ag anghenion dysgu ychwanegol.
Bydd disgwyl i’r ymgeisydd llwyddiannus gweithio o dan gyfarwyddyd uniongyrchol staff addysgu/uwch aelodau o’r staff, fel rheol yn yr ystafell ddosbarth gyda’r athro neu’r athrawes; cefnogi mynediad at ddysgu i’r disgyblion, a darparu cefnogaeth gyffredinol i’r athro neu’r athrawes gyda rheolaeth y disgyblion a’r ystafell ddosbarth.
Bydd profiad blaenorol o weithio gyda phlant sydd ag anghenion dysgu ychwanegol yn ddymunol a’r gallu i gyfathrebu yn y Gymraeg yn hanfodol.
Noder: Cedwir yr hawl i ymestyn y dyddiad cau.
Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.
Atodidadau
Datganiad Diogelu:
Mae Ysgol Henry Richard yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.