Swydd Athro neu Gydlynydd Cwricwlaidd Dylunio a Thechnoleg
CAD 2a (i ymgeisydd addas)
Swydd ar Safle Bro Dur ym Mhort Talbot ydy hon
Mae’r ysgol yn awyddus i benodi Athro Dylunio a Thechnoleg brwdfrydig ac ymroddedig i ymuno â’n hadran DT. Mae’r swydd hon yn agored i ystod eang o ymgeiswyr — o athrawon ar ddechrau eu gyrfa i ymarferwyr profiadol sy’n barod i ymgymryd â rôl arwain adran.
Yn dibynnu ar brofiad, penodir yr ymgeisydd llwyddiannus fel:
• Athro Dylunio a Thechnoleg, neu
• Cydlynydd Dylunio a Thechnoleg (gyda CAD 2a)
I’r ymgeisydd cywir, ceir cyfle gwirioneddol i ddatblygu i rôl arwain dros amser, gyda chefnogaeth mentora a datblygiad proffesiynol.
Rydym yn croesawu ceisiadau gan ymgeiswyr sydd yn frwdfrydig am Dylunio a Thechnoleg ac yn ymrwymedig i addysgu a dysgu o ansawdd uchel, unigolyn sydd yn gallu ysbrydoli creadigrwydd, y gallu i ddatrys problemau a sgiliau ymarferol ymysg ein disgyblion. Bydd disgwyl i’r ymgeisydd llwyddiannus fod â’r gallu i addysgu hyd at Safon TGAU o fewn y pwnc, i gadw a chodi safonau ac i sicrhau fod cwricwlwm yr Adran yn gwireddu Pedwar Diben Cwricwlwm i Gymru
Ar gyfer ymgeiswyr ar lefel arweinyddiaeth, neu’r rhai sy’n dyheu am arwain, rydym hefyd yn awyddus i glywed gan ymgeiswyr sydd:
• Â phrofiad, neu ddiddordeb, mewn datblygu’r cwricwlwm a gwella’r adran
• Yn awyddus i gyfrannu at gyfeiriad strategol Dylunio a Thechnoleg o fewn yr ysgol
• Yn dangos potensial i arwain, ysgogi a datblygu eraill dros amser
•
Mae campws Ysgol Gymraeg Bro Dur yn gartref i gymuned ddatblygol o staff addysgu lle byddwch yn cael pob cefnogaeth i ddatblygu yn eich gyrfa. Byddwch yn ymuno a thîm o staff ymroddgar, brwdfrydig ac egniol, sy’n gweithio’n agos i sicrhau cyfleoedd cyfrwng Cymraeg cyfoethog i’n disgyblion mewn amrywiaeth eang o sefyllfaoedd. Mae hyn yn arbennig o wir am gyfleoedd allgyrsiol ac am y cyfnod hynod lwyddianus o Amser Aur bob prynhawn Gwener.
Yn anad dim, bydd disgwyl i’r ymgeisydd llwyddiannus gael gweledigaeth glir o egwyddorion Dysgu ac Addysgu deinamig a blaengar a’r sgiliau rhyngbersonol i gydweithio fel aelod o dîm effeithiol a brwdfrydig.
Os hoffech fwy o fanylion am y swydd hon ac am sgwrs anffurfiol cysylltwch â’r Pennaeth, Mrs Laurel Davies.
Proses Ymgeisio
Gellir ymgeisio am y swydd hon drwy ffurflen a llythyr cais yn mynegi diddordeb am ymgymryd â’r swydd. Gellir sôn am brofiad perthnasol ar gyfer y swydd hon, ynghŷd â’r weledigaeth ar sut y gellir cyfrannu ymhellach yng nghyd destun cymuned yr ysgol.
Dyddiad Cau: Hanner Dydd, Dydd Gwener Chwefror 23ain 2026
Dyddiad dechrau y swydd: Medi 2026
Mae Ysgol Gymraeg Ystalyfera – Bro Dur yn ymrwymedig i ddiogelu a hyrwyddo lles plant, pobl ifanc ac oedolion agored i newid, ac mae’n disgwyl i’r holl staff a gwirfoddolwyr ddeall a rhannu’r ymrwymiad hwn. Mae ymrwymiad cyffredin gennym i ddatblygu diwylliant o barch, lle na chaiff gwahaniaethu ei oddef. Rydym yn croesawu pob cais, gan gynnwys ceisiadau gan bobl o grwpiau sydd wedi’u tangynrychioli ar sail ethnigrwydd, rhywedd, trawsrywedd, oedran, anabledd, cyfeiriadedd rhywiol neu grefydd.