Swydd Athro/awes Ieithoedd Tramor Modern
(Sbaeneg / Ffrangeg)
Swydd ar safle Ysgol Gymraeg Bro Dur ym Mhort Talbot yw hon.
Mae’r ysgol yn awyddus i benodi athro/awes ymroddgar i swydd i addysgu Ieithoedd Tramor Modern ym Mro Dur o fis Medi 2025 ymlaen.
Mae Ieithoedd Tramor Modern wedi’i sefydlu yn hynod lwyddiannus yn yr ysgol newydd hon gyda niferoedd sydd yn astudio’r pwnc i lefel TGAU bob blwyddyn yn dyst i fwynhad y disgyblion o’r pwnc. Ar hyn o bryd mae’r disgyblion yn mwynhau gwersi Sbaeneg a Ffrangeg ym Mlwyddyn 7, 8 a 9, gyda niferoedd iachus yn parhau i wneud y ddau bwnc ar gyfer TGAU. Credwn yn gryf mai dwyieithrwydd yw’r cam cyntaf ar gyfer aml-ieithrwydd – a mae gan y pwnc bwysigrwydd cadarn o fewn y Maes Ieithoedd, Llythrennedd a Chyfathrebu.
Mae campws Ysgol Gymraeg Bro Dur yn gartref i gymuned ddatblygol o staff addysgu lle byddwch yn cael pob cefnogaeth i ddatblygu yn eich gyrfa. Mae’r swydd hon yn gyfle gwych i addysgu’n llwyr o fewn eich maes (ITM), arwain ar gwricwlwm cyfoes, blaengar a deniadol tra’n ymuno a thîm o staff ymroddgar, brwdfrydig ac egniol, sy’n gweithio’n agos i ddatblygu sgiliau iaith ein disgyblion. Byddai modd i ni ystyried lwfans rectiwio dros dro ar gyfer unigolyn addas i ymgymryd a’r rôl bwysig hon.
Byddwch yn ymuno a thîm o staff clos a chefnogol sydd yn frwdfrydig dros ddarparu’r cyfleoedd gorau i ddisgyblion ein hardal. Mae brwdfrydedd a gweledigaeth gadarn i gyfrannu at ddatblygu cwricwlwm yn seiliedig ar egwyddorion Cwricwlwm i Gymru yn flaenoriaeth glir i’r ysgol. Yn anad dim, bydd disgwyl i’r ymgeisydd llwyddiannus gael gweledigaeth glir o egwyddorion Dysgu ac Addysgu deinamig a blaengar a’r sgiliau rhyngbersonol i gydweithio fel aelod o dîm effeithiol a brwdfrydig.
Os hoffech fwy o fanylion am y swydd hon a’r cyfleoedd sydd ar gael yn yr ysgol – cysylltwch â’r Pennaeth, Mrs Laurel Davies am sgwrs anffurfiol.
Proses Ymgeisio
Gellid ymgeisio am y swydd hon drwy lythyr cais yn mynegi diddordeb am ymgymryd â’r swydd yn ogystal â’r ffurflen gais atodedig. Gellir sôn am brofiad perthnasol ar gyfer y swydd hon, ynghŷd â’r weledigaeth ar sut y gellir cyfrannu ymhellach yng nghyd destun cymuned yr ysgol newydd hon. Mae’r swydd hon yn ddibynnol ar wiriad diogelu trylwyr.
Dyddiad Cau: Hanner Dydd, Dydd Gwener, Mai 2, 2025
Dyddiad dechrau y swydd: Medi 2025
Ysgol Gymraeg Ystalyfera - Bro Dur is committed to safeguarding and promoting the welfare of children, young people and vulnerable adults and expects all staff and volunteers to share this commitment.We particularly welcome applications from under represented groups including ethnicity, gender, transgender, age, disability, sexual orientation or religion.